Qızılı işləmələrlə bəzədilmiş butalar zəriflik, zənginlik və ənənəvi dəyərləri ifadə edir

Bu geyimdə milli ornamentlər içərisində xüsusi yeri olan buta naxışı diqqət çəkir. Qızılı işləmələrlə bəzədilmiş butalar zəriflik, zənginlik və ənənəvi dəyərləri ifadə edir. Buta naxışları Azərbaycanın xalçaçılıq, zərgərlik və geyim dizaynı sahələrində geniş istifadə olunur. Bu motivin yanan alova, cücərən toxuma və ya həyat ağacına bənzədilməsi onun qədim mifik və simvolik mənalarını qoruyub saxladığını göstərir.

 Burada şərq estetikası ilə müasir dəbin sintezi hiss olunur. Tül parçalar geyimə yüngüllük qataraq eleqant və incə görünüş yaradır, eyni zamanda, klassik Azərbaycan milli geyimlərinin əsas elementlərini yaşadır.